Die nuwe Begraafplaas-DVD het meer as 60 000 bykomende name. Dit is die afgelope naweek by die GGSA se algemene jaarvergadering in Pretoria bekendgestel. Een van die nuwighede daarop is dat gebruikers kan sien wat nuwe en wat ou data is.
Die Begraafplaasprojek (Cemetery Recording Project) van die GGSA het nou gegewens van nie minder nie as 360 000 grafte in Suid-Afrika.
Vir die oningeligtes: die Begraafplaasprojek behels die optekening van grafte van veral plase en kleiner dorpies in Suid-Afrika.
Bywerkings word deurentyd gedoen.
Bo: Vise-president, Petro Coreejes-Brink (regs), ontvang die nuwe
Begraafplaas-DVD van Beverley en Peter Moss, die samestellers daarvan.
Die FAMILIA-CD bevat artikels van die hele reeks Familia's tot aan die einde van 2009 -- met 'n volledige indeks daarby. Familia is 45 jaar gelede gevestig.Familia is die kwartaalblad van die Genootskap. 'n Artikel oor Familia en sy redakteur, Richard Ford wat in 2007 op ons ou blog verskyn het, is HIER.
Dit kan bestel word by enige tak van die GGSA of by André Heydenrych, nasionale tesourier van die GGSA. Sy epos-adres is: aheydenr@mweb.co.za. KLIK HIER as u nóú 'n epos aan André wil stuur.
